Mkuu wa wilaya ya Kondoa Sezaria Makota Ametoa Agizo kwa Mamlaka za Serikali zilizo chini yake kuhakikisha mkurugenzi wa Kampuni ya Kidee Minning Fei Hassan Kidee kumfuata popote alipo iwe nje au ndani ya nchi kutokana na kukaidi wito wake wa kuhudhuria kikao cha mgogoro katika machimbo ya dhahabu yalipo kijiji cha bubu changaa.

Hayo yamejiri kwenye kikao cha kujadili mgogoro kati ya Kampuni za Kidee Mining,Kondoa Mining T ltd na wachimbaji wadogo kwenye machimbo yaliopo kata ya changaa wilayani hapa baada ya meneja wa Kampuni hiyo Ismail Kidee kusema mkurugenzi wake yupo safari nje ya nchi na kushindwa kuhudhuria kikao hicho kujibu tuhuma mbali mbali.

Amesema kuwa Suala la kuwataka Fei Hassan na Afisa madini mkazi Dodoma Silimu Tegalile ni Agizo kwa mamlaka aliyonayo kwa mujibu wa sheria Anatoa agizo kwa hao kufika kwenye kikao cha Tar.1 mwezi wa 3 mwaka huu saa 3 asubuhi katika ofisi za kijiji cha Bubu Changaa bila kukosa ili aeweze kujiridhisha na masuala mbali mbali kwani wao imeonekana ndio chanzo cha mgogoro huo.

Kampuni hiyo imekuwa ikituhumiwa kwa ukwepaji wa mapato na kutumia njia za hila kumiliki Eneo la machimbo ya dhahabu wilayani hapa kwa madai wao wamepewa fursa ya utafiti wa madini kwenye wilaya ya Kondoa ambapo wachimbaji wamekuwa wakinyang’anywa maeneo yao licha ya maombi halali kwenye idara za madini uliofanywa na wachimbaji hao na upotoshwaji wa Taarifa kwani maombi hayapewi majibu kama sheria inavyosema.

Mgogoro huo uliodumu kwa muda wa mwaka mmoja sasa huku mamlaka mbali mbali za serikali zikishindwa kutoa tafsiri ya nani mmiliki halali wa eneo hilo ambapo kampuni hiyo imesema ina leseni huku wizara ikisema eneo hilo maombi yote yalipishana na leseni kubwa iliyopelekea kutotolewa kwa leseni za uchimbaji na utafiti eneo la bubu changaa na hiyo ndio imeleta sintofahamu ambayo Kamishina wa kanda ya kati na idara ya madini mkazi Dodoma imeshindwa kutoa tafsiri mwaka sasa na kuendelea kulifumbia macho bila majibu.

Hali hiyo imekuwa ikiwasumbua wachimbaji wadogo kutoendelea na utafiti wao kwa madai ya leseni na kuwafanya kushindwa kutimiza malengo yao na kijiji kukosa maendeleo kwa mwaka mzima kwa uzalishaji wa wachimbaji hao ungekuwa na manufaa kwa wananchi ili hali akilazimisha kupitia ofisi za madini kufanyakazi katika eneo hilo na kubaka eneo la wachimbaji hao huku wachimbaji wakilalalikia uainishwaji wa mipaka ya leseni za uchimbaji na matumizi bora ya Ardhi katika eneo hilo.

“Nakuagiza kwa mamlaka niyopewa dso na idara ya uhamiaji kulifuatilia suala hili kuona kama mkurugenzi huyo amepiga mhuri wa kutoka nje ya nchi au yupo hapa nchi na amekaidi agizo lango kwa maksudi atafutwe aletwe popote alipo kwani hatuwezi kuona tunamuita kwenye vikao vya kutafuta suluhu yeye anatuma wawakilishi hii ni dharau ya wazi” alisisitiza Dc Makota.

Awali akifungua na kufunga kikao hicho mwenyekiti wa Kijiji cha Bubu Changaa Kenyata Fonda alisema kuwa suala hilo limekuwa ni changamoto kwa wananchi kukua kiuchumi na kijiji chake kwa ujumla kukosa maendeleo na kumuomba mkuu huyo wa wilaya kuhakikisha mgogoro huo unaisha mapema ili wanachi waweze kufanya shughuli zao za kujipatia kipato.

Amesema kuwa Suala hilo wananchi wanataka maendeleo lakini hawayapati kutokana na mgogoro huo nadhani katika mgogoro huo kuna kitu kimejificha ndani naiomba serikali kuingilia kati kuona wananchi wanapata maendeleo kutokana na rasilimali za eneo lao.